Situado no Grove (Galicia), o Pescanova Biomarine Center é o Centro de I+D+i en Acuicultura do Grupo Nueva Pescanova: investiga como mellorar a saúde, a sustentabilidade e o benestar animal dos animais en acuicultura, así como novas especies que non se cultivan no mundo.
O Pescanova Biomarine Center é pioneiro mundial en pechar o ciclo de vida do polbo en acuicultura.
O MUSEO DOS ECOSISTEMAS MARIÑOS E A ACUICULTURA
No Museo do Pescanova Biomarine Center coñecerás a importancia que teñen os ecosistemas mariños para a vida do Planeta, cales son os seus problemas e como debemos evitalos, así como que é a acuicultura e por que naceu xa en China 3.500 anos antes de Cristo.
Mergullaraste a través de distintas experiencias nas profundidades do mar para coñecer todos os seus segredos:
• Conectarás con barcos de pesca
• Escoitarás a través de hidrófonos o ruído dos animais mariños
• Verás un ecosistema acuático autosuficiente inventado pola NASA
• Visitarás o laboratorio submarino do Biomarine Center
• Coñecerás a historia da acuicultura e os seus beneficios
• Saberás como investigamos en benestar animal, saúde e nutrición
• E descubrirás curiosidades que non imaxinas de distintas especies mariñas
Sabías que o 50 % do consumo mundial de produtos do mar provén xa da acuicultura, segundo a FAO? Dela depende en gran parte o feito de garantir o futuro dos ecosistemas acuáticos e a súa sustentabilidade.
Elixe a túa visita
VISITA LIBRE
Inclúe acceso libre a todos os recursos expositivos e interactivos do Museo Pescanova Biomarine Center sen limitación de tempo.
VISITA GUIADA
Inclúe acceso e explicación guiada a todos os recursos expositivos e interactivos do Museo Pescanova Biomarine Center (duración aproximada 1 hora).
VISITAS ESCOLARES
Para grupos escolares. Inclúe acceso e explicación guiada a todos os recursos expositivos e interactivos do Museo Pescanova Biomarine Center (duración aproximada 1 hora).
